ՀՐԱՏԱՊ․ Բանկերը կարող են սահմանափակել վարկերի տրամադրումը

ՀՀ Կենտրոնական բանկի վերջերս ընդունված որոշումը կապված է բանկային համակարգի ընդհանուր վարկային պորտֆելի կենտրոնացման հետ, քանի որ 2024 թվականին բանկերի կողմից տրված վարկերի 45%-ը հիմնականում հիփոթեքային և սպառողական վարկերն էին։ Դրա մասին փետրվարի 25-ին լրագրողների հետ հանդիպման ժամանակ հայտարարել է Հայաստանի բանկերի միության ղեկավար Դանիել Ազատյանը։

Հիշեցնենք, որ վերջերս Կենտրոնական բանկը հայտարարեց հիփոթեքային և սպառողական վարկավորման շուկայում հնարավոր ռիսկերի վերլուծությունն ուժեղացնելու մտադրության մասին։

«Եթե հաշվի առնենք, որ հիփոթեքային վարկավորման աճը կապված է հիփոթեքային վարկավորման շրջանակում եկամտահարկի վերադարձի ծրագրի սահմանափակման հետ, ապա կարելի է ենթադրել, որ 2025 թվականին հիփոթեքային վարկերի աճ այլևս չի լինի։

Ինչ վերաբերում է սպառողական վարկերին, բանկերը ԿԲ-ի որոշմանը ըմբռնումով կվերաբերվեն և, հնարավոր է, կսահմանափակեն սպառողական վարկերի տրամադրումը։

Հայաստանի բանկերն ունեն կապիտալիզացիայի և իրացվելիության համապատասխան մակարդակ, ուստի կարող են լրացուցիչ վարկեր տրամադրել, սակայն հաշվի առնելով մակրոտնտեսական ռիսկերը՝ ԿԲ-ն կարող է նպատակահարմար համարել որոշակի սահմանափակումներ կիրառել»,- նշել է Ազատյանը։