Ռեալը հայտարարություն է տարածել Ռուդիգերի վերաբերյալ

Մադրիդի «Ռեալն» իր պաշտոնական կայքում հայտարարություն է տարածել թիմի գերմանացի պաշտպան Անտոնիո Ռուդիգերի վնասվածքի վերաբերյալ։

Ինչպես հայտնում է «Ռեալի» մամուլի ծառայությունը, հետազոտության արդյունքում Ռուդիգերի մոտ հայտնաբերվել է աջ ոտքի երկգլուխ մկանի վնասվածք։

«Սերուցքայինները» չեն նշում 31-ամյա ֆուտբոլիստի վերականգնման ժամկետները։ Սակայն իսպանական որոշ ԶԼՄ-ների հաղորդմամբ՝ 31-ամյա խաղացողի ապաքինման համար կպահանջվի 3 շաբաթ։

Աղբյուր: armsport.am