Քրիստոֆեր Նկունկուն կարող է փոխել ակումբային գրանցումը

Լոնդոնի «Չելսիի» հարձակվող Քրիստոֆեր Նկունկուն կարող է կարիերան շարունակել Գերմանիայի առաջնությունում։ Այս մասին հայտնում է Todofichajes-ը։

Աղբյուրի համաձայն՝ 27-ամյա հարձակվողի ծառայություններով հետաքրքրված է Մյունխենի «Բավարիան»: Թիմի գլխավոր մարզիչ Վենսան Կոմպանին կարծում է, որ ֆրանսիացին կկարողանա ուժեղացնել «Բավարիայի» հարձակվողական ներուժը։ Ակումբը ցանկանում է ավարտել Քրիստոֆերի տրանսֆերը մինչ ձմեռային տրանսֆերային պատուհանի փակվելը։

«Չելսին» իր հերթին պատրաստ է 70 միլիոն եվրոյի դիմաց բաժանվել Նկունկուից։

Անգլիայի առաջնության ընթացիկ մրցաշրջանում հարձակվողը անցկացրել է 19 հանդիպում, որոնցում դարձել է երկու գոլի և մեկ գոլային փոխանցման հեղինակ։

Աղբյուր: proffootball.am