«Ինչին կպել եք՝ աղետ է ու կորուստ, համատարած քաոս ու խենթանոց»

ԱԺ «Հայաստան» խմբակցության պատգամավոր Լիլիթ Գալստյանն անդրադարձել է տրանսպորտի ուղեվարձի, հայտարարագրերի խնդրին և ընդհանրապես՝ ՔՊ-ի վարած քաղաքականությանը․

«Ընդամենը մեկ-երկու շաբաթ առաջ ՔՊ առաջնորդը, քաղաքապետն ու տեղակալները փրփրաբերան ու քրտնամած հիմնավորում էին տրանսպորտի իրենց սահմանած գինը և մեր գրպանում մխրճված իրենց ձեռքը բխեցնում պետության շահերից։

Հիմա նահանջել են՝ իջեցնելով առաջարկի կեսին․․․

Փաստորեն հնարավոր էր․․․․թե՞ վստահ էիք, որ ձեր աղետալի դիլետանտիզմն ու անփառունակ կառավարումն անկասելի է ․․․

Ինչին կպել եք՝ աղետ է ու կորուստ, համատարած քաոս ու խենթանոց․․․

Նույն քաոսն ու շիլաշփոթն է հայտարարագրերի մասով և առհասարակ բոլոր ոլորտներում․․․

Ու ձեր այս ողբերգական անկարողությամբ հավակնում եք

ազգ կրթել կամ անվտանգություն ապահովել․․․

Դուք վաղուց կորցրել եք ձեր քաղաքական և բարոյական կենսունակությունը։

Հ․Գ․ Լավ է, չեք հիմնավորում, թե թշնամուն չսադրելու համար էիք էդ գինը սահմանել․․․»,- սոցցանցի իր էջում գրել է ընդդիմադիր պատգամավորը։

Աղբյուր: www.aysor.am