«Բարսելոնան» լուրջ կորուստ ունի «Վալենսիայի» դեմ խաղից առաջ

Կիրակի երեկոյան «Բարսելոնան» Իսպանիայի առաջնության տնային հանդիպում կանցկացնի «Վալենսիայի» հետ։ Կատալոնական թիմի մարզիչ Հանս-Դիտեր Ֆլիկը չի կարող խաղադաշտ դուրս բերել Պեդրիին։

«Բլաուգրանայի» մամուլի ծառայությունը հաստատել է, որ 22-ամյա ֆուտբոլիստը վիրուսային հիվանդության պատճառով չի կարողանա խաղադաշտ դուրս գալ։

2024/2025 մրցաշրջանում Պեդրին Բարսելոնայի 31 պաշտոնական հանդիպման է մասնակցել։ Դրանցում կիսապաշտպանը խփել է չորս գոլ և կատարել չորս գոլային փոխանցում։

Աղբյուր: proffootball.am