Տիգրան Ավինյանի հոր դեմ ներկայացված հայցը կքննի դատավոր Գոհար Գրիգորյանը

«Օպելի» վարորդների հասցեին արված հայտարարության համար Տիգրան Ավինյանի հոր դեմ ներկայացված հայցը կքննի Երևանի ընդհանուր իրավասության քաղաքացիական դատարանի դատավոր Գոհար Գրիգորյանը:

Հիշեցնենք, որ Տիգրան Ավինյանի հայրը` Արմեն Ավինյանը, «Կարմիր գծերի» մասին լրագրողի հարցին ի պատասխան «համբալ» էր անվանել Opel-ի վարորդներին։ Տեսանյութի տարածումից ժամեր անց Ավինյանը ներողություն էր խնդրել հոր խոսքերի համար՝ վստահեցնելով, թե հայրը «պահի տակ, նյարդի ազդեցությամբ է տգեղ խոսքեր» ասել:

Երևանի ավագանու «Մայր Հայաստան» խմբակցության անդամ Գրիգոր Իսկանդարյանը հայցադիմում էր ներկայացրել Տիգրան Ավինյանի հոր` Արմեն Ավինյանի դեմ` Opel-ի վարորդներին «համբալ» անվանելու համար։ Ներկայացված հայցադիմումով Իսկանդարյանը պահանջել է Ավինյանի հորից փոխհատուցում` պատվին ու արժանապատվությանը պատճառված վնասի համար: Խոսքը սիմվոլիկ 500,000 դրամի մասին է:

Աղբյուր: www.pastinfo.am