Ձայնագրությունները կան, կհանեմ. Հայկ Սարգսյանը սպառնում է ՔՊ-ականներին
«Բուքմեյքերականներին բերել ենք, որ գերշահույթներ են ստանում, ասում եմ՝ ավել հարկենք, ասում եք՝ ավել քննարկենք, հետ քաշեք… Նախ՝ հետ չեմ քաշելու»,- ԱԺ Տնտեսական հարցերի մշտական հանձնաժողովի նիստում հայտարարեց ՔՊ-ական պատգամավոր Հայկ Սարգսյանը։
Նա հայտարարեց, թե այն ժողովրդի շահից է բխում և պայքարելու է մինչև օրենքն ընդունվի։
«Ծամել եմ, դրել ձեր բերանը, ինձ ասում եք ավել քննարկենք… Ինչ եք ուզում ավել քննարկել։ ինչմպես ուզում եք ձեր խղճի մտոք քվերակեք, ես ավել քննարկելու բան չունեմ»,- ասաց Հայկ Սարգսյանը՝ նշելով, որ կառավարությունը թերանում է այդ մասով։
նա հայտնեց, որ եթե ՔՊ-ականները դեմ քվեարկեն, ապա ստացվում է, որ այդ ընկերությունների շահերն են պաշտպանությունները։
ՔՊ-ականն ասաց, թե կոմիտեի նիստում կառավարությունը կողմ է եղել, իսկ այն որ էկոնոմիկայի նախարարությունից եզրակացություն չի ներկայացրել, ոչինչ չի նշանակում։
«Կառավարության նիստի ձայնագրությունները կա, կհանեմ կուղարկեմ»,- էկոնոմիկայի նախարարի տեղակալ Արման Պողոսյանին դիմեց Սարգսյանը։
Աղբյուր: hayqnews.am
05.02.2025 в 14:18
